Того ради велїчаїшїи Стїхотворецъ въ нынѣшнемъ времяни гласїтъ: смїрїся, Господь бо гордыни не оставїтъ безъ отмщенїя. Господь благословїтъ смїренныя сердца, и прокленетъ гордыхъ.
Въ древнїхъ церковныхъ отцевъ кнїгахъ, многїя имянованїя о похвалѣ добродѣтели сея обрѣтаются. Оныя бо имянютъ тое матерью, содержїтельнїцею, и хранїтелнїцею протчїхъ добродѣтелеи.
Кїпрїянъ пишетъ: смиренїе всегда было непоколебїмыи столпъ святыхъ.
Грїгорїи пїшетъ: смїреніе есть начало и источнїкъ добродѣтелеи. онже паки глаголетъ: кто безъ смїренїя собїраетъ добродѣтели, оныи подобенъ яко прахъ предъ лїцемъ вѣтра. Еще же оныи пїшетъ: все что ни дѣлано потеряно. ежели не во смїренїи совершено будетъ.
Сему согласуется Златоустъ глаголя: тако превосходїтъ смїренїе похвалу прочїхъ добродѣтелей, что ежели онои при томъ не будетъ, протчїя все ни во что.
Августїнъ такъ же разсуждаетъ, егда пїшетъ, развѣ что смїренїе всему. Что мы добра дѣемъ, предходїтъ, предстоїтъ, и провождаетъ, а наїпаче, ежели возрадуемся сдѣлавъ добро, то прїщедъ гордость изъ рукъ нашїхъ пограбїтъ все.
Едїнымъ словомъ, всякая гордость, хотя въ духовномъ, мїрскомъ или въ домовномъ поведенїи, не служїтъ чести божїей, и не
