сїлныя со престолъ, и вознесе смїренныя. въ томже намѣренїи и Сїрахъ въ 10 главѣ пїшетъ: довлѣетъ гордыхъ искоренїти до конца, и да насадїтъ богъ смїренныхъ вмѣсто ихъ. Господь Їисусъ Хрїстосъ во главѣ 22 отъ матѳея глоголетъ: смїряяїся вознесется, кто смїренную жену имѣетъ, оныи прїобрѣлъ сокровїще выше всякого богатства, гдѣ сїя добродѣтель, тако и премудрость, яко Соломонъ во главѣ 11. глаголетъ: премудрость обрѣтается у смїренныхъ. тако и Птоломеи пїшетъ, что смїреннѣе человѣкъ, то премудрее. Святыи Петръ во главѣ 5, перваго посланія пїшетъ; да дастъ богъ смїреннующїмъ мїлость, тѣмъ разумѣвается тѣлесная и душевная, [и восхїтїтъ ихъ отъ праху земнаго] и возвысїтъ ихъ Господь богъ во время свое. Того ради глаголетъ Соломонъ въ прїтчахъ во главѣ 29. Смїренныя почтены будутъ, понеже оныя достоїную честь воздаютъ богу, и во страсѣ его пребываютъ. Того ради взаимно оныхъ почтїть обѣщаетъ, и хотѣнїе ихъ исполнїтъ, а наїпаче молїтву ихъ услышїтъ, яко храбрая Юдїфъ въ моленїи своемъ рече: нїкогда благоугодны явїшася тебѣ гордїи, но всегда тебѣ смїренныхъ, и унїчїженныхъ молїтва благоугодна. Такїмъ же образомъ и Сїрахъ глаголетъ: смїренныхъ молїтва пронїцаетъ облака, такожде и Грїгорїи пїшетъ: создатель нашъ имѣетъ велїя Нѣдра любве. и мїлосердїя, въ которыя объемлетъ нашъ плачь. Богъ, Ангели,
