Ангелы снижайтеся, ко землѣ сближайтеся,
Господь бо, сотворшій вѣки, живетъ нынѣ съ человѣки.
Станьте съ хоромъ вси соборомъ.
Веселитеся, яко съ нами Богъ.
Се часъ исполняется! Се сынъ посылается!
Се лѣта пришла кончина! Се Богъ посылаетъ сына.
День приходитъ. Дѣва родитъ.
Веселитеся, яко съ нами Богъ!
Обѣщанъ пророками, отчими нароками,
Рѣшитъ въ послѣдня лѣта печать новаго завѣта;
Духъ свободы внутрь насъ родитъ.
Веселитеся, яко съ нами Богъ;
Даніиловъ каменю! Изъ купины пламеню!
Не сѣченный отпадаешъ! Огнь сѣна не попаляешъ!
Се нашъ камень! се нашъ пламень!
Веселитеся, яко съ нами Богъ!
Расти жъ благодатію, новый нашъ ходатаю!
Расти, да возможешъ стати, да попалишъ супостаты,
Да, вселенну, зря спасенну,
Веселимся вси, яко съ нами Богъ.
Мы жъ тебѣ рожденному, гостеви блаженному,
Сердца всѣхъ насъ отверзаемъ, въ душевный домъ призываемъ,
Пѣснь спѣвая, восклицая
Веселящеся, яко съ нами Богъ.
Тайна странна и преславна!
Се—вертепъ вмѣсто небесъ!
Дѣва—херувимовъ главна
И престоломъ вышнимъ днесь.
А вмѣщенъ тотъ въ яслѣхъ полно,
