владѣющаго, повелѣніе, нашъ же Христіанскій смиренный отвѣтъ бывшему прежде православнаго истиннаго Христіанства и нашего содержанія Боярину и Совѣтнику и Воеводѣ, нынѣ же преступнику честнаго и животворящаго креста Господня, и губителю Христіанскому, и ко врагомъ Христіанскимъ слугатаю, отступльшему[1] Божественнаго иконнаго поклоненія и поправшему вся священная повелѣнія, и святые храмы разорившему, осквернившему и поправшему со священными сосуды и образы, яко же Исавръ, и Гноетезный,[2] и Арменскій,[3] симъ всѣмъ соединителю*), — Князю Андрею Михайловичу Курбскому, восхотѣвшему своимъ измѣннымъ обычаемъ быти Ярославскому Владыцѣ.[4]
Вѣдомо да естъ: почто, о Княже! аще мнишися благочестіе имѣти, единородную свою душу отверглъ еси? Что даси измѣну[5] на ней въ день Страшнаго Суда? Аще и весь міръ пріобрящеши, послѣди смерть всяко восхититъ тя! Чесо на тѣлѣ душу продалъ еси? Аще убоялся еси смерти, по своихъ бѣсоизвыкшихъ друзей[6] и назирателей ложному слову: и вси, якоже бѣси[7] на весь міръ, такоже и ваши извольшіе быти друзи и служебники, насъ же отвергшеся, преступивше крестное цѣлованіе, бѣсовъ подражающе,, на многообразные ми воды всюду сѣти поляцающе,[8] и
- ↑ Такъ я читаю; во всѣхъ спискахъ: отступльшимъ, и далѣе: осквернившимъ.
- ↑ Въ Б. игностесный; Въ К. и Э. игноименитый; Въ Р. игнотельный.
- ↑ Такъ въ Р. и Э.; въ Б. надъ меньшимъ; въ П. и Арменскимъ.
- ↑ Въ Б. владѣльцѣ.
- ↑ Т. е. замѣну, выкупъ.
- ↑ Изъ К; въ П. и др. сп. бѣсехъ и вышнихъ друзехъ.
- ↑ Такъ въ проч. спис. въ П. вѣси.
- ↑ Въ Э. полцающе. (Соединяя, составляя).