чающе[1], яко же ты, Царю! о семъ добрѣ вѣси*).
Не мни, Царю! не помышляй насъ суемудренными мысльми, аки уже погибшихъ избіенныхъ отъ тебя неповинно, и заточенныхъ и прогнанныхъ безъ правды; не радуйся о семъ, аки одолѣніемъ тощимъ хваляся: избіенные тобою, у престола Господня стояще, отомщенія на тя просятъ; заточенные же и прогнанные отъ тебя безъ правды отъ земли ко Богу вопіемъ день и нощь! Аще и тьмами хвалишися въ гордости своей, въ привременномъ семъ скоротекущемъ вѣцѣ, умышляючи на Христіанскій родъ мучительные сосуды, паче же наругающе и попирающе Ангельскій образъ*), и согласующимъ ти ласкателемъ и товарищемъ трапезы, несогласнымъ[2] твоимъ Бояромъ*), губителемъ души твоей и тѣлу, иже тя подвижутъ на Афротидскія дѣла и дѣтьми своими паче Кроновыхъ[3] жерцовъ дѣйствуютъ*). И о семъ, даже до сихъ, писаніе сіе, слезами измоченное, во гробъ съ собою повелю вложити, грядуще съ тобою на судъ Бога моего, Іисуса Христа. Аминь. Писано въ Волмерѣ, градѣ Государя моего Августа Жигимонта Короля, отъ него же надѣюся много пожалованъ и утѣшенъ быти ото всѣхъ скорбей моихъ, милостію его Государскою, паче же Богу ми помогающу.
