за отечество правовѣрнаго Христіанства, сопротивъ враговъ креста Христова, паче же вкупѣ со Царемъ своимъ: сіе было благодарнѣйши и радостнѣйши, и не чулось[1] ни единыя нужды, другъ предъ другомъ къ добрымъ подвигамъ ретящеся; наипачежъ самъ Господь Богъ помогалъ намъ.
Егдажъ пріидохомъ близу новопоставленнаго града,25 Августа 1552.[2] воистинну зѣло прекраснаго; тогда выѣхаша во срѣтеніе Царя Гетмани оніи, яко градскіе, такъ которые и съ дѣлы[3] пріидоша, съ немалыми вои, по чину благочиннѣ устроенни полки имуще; съ нимижъ коннаго войска, тысящь аки пятьнадесять, изыдоша во срѣтеніе, такожъ и пѣшихъ множество много; къ тому и гуфовъ[4] оныхъ варварскихъ, новопокорившихся Царю, немало, аки четыре тысячи: ихъ же обитанія и села близу града онаго быша, яже, хотяще и не хотяще, покоришася. И бысть тамъ радость не мала о здравію пришествія Царева со множествы воевъ, такожъ и о побѣдѣ прежъ реченной, яже на Крымскаго пса одержахомъ (бо[5] зѣло трепетахомъ о прихожденіи и помощи его Казани), и о поставленіи града онаго превеликаго. И такъ къ тому пріѣхали есмы, воистинну, яко въ свой домъ, отъ того долгаго[6] и зѣло нужнаго[7] пути: понеже привезено намъ множество, отъ домовъ нашихъ Волгою, мало не каждому, въ великихъ галіяхъ[8] запасу; такожъ и купцовъ безчисленное множе-
