единоязычныхъ! поколь маете[1] безстудствовати и оправдати такаго человѣко-разтерзателя? О преблаженные и достохвальные святые мученики новоизбіенные отъ внутренняго змія! за добрую совѣстъ вашу пострадасте, и мало здѣ претерпѣвше и очистившеся прехвальнымъ симъ крещеніемъ, чисти къ пречистѣйшему Христу отойдосте мзды трудовъ воспріяти! Едали тѣ много не потрудишася? едали тѣ не добрѣ страдаша, не токмо Христіанъ убогихъ отъ варваровъ въ землѣ своей оброняюще, но и Царства кровопивственныя Бусурманскія цѣлыя мужествомъ храбрости своея разориша и съ самими Цари ихъ безвѣрными, и предѣлы разшириша Царства Христіанскаго ажъ до Каспійскаго моря и окрестъ, и грады тамо Христіанскіе поставиша, и святые олтари воздвигоша и многихъ невѣрныхъ къ вѣрѣ приведоша?
И что возглаголю о распространенію границъ на другія страны, служаще Цареви своему и общей вещи Христіанской вѣрнѣ, и яковую мзду здѣ получиша отъ того лютаго и безчеловѣчнаго Царя! Едали Христосъ не воздастъ имъ и не украситъ вѣнцы мученическими таковыхъ, яже обѣщалъ и за чашу студеныя воды отдати мзду? А сего ради, воистинну, будутъ ѣздити или плавати на облацѣхъ во срѣтеніе Господне въ первомъ воскресенію, яко рече Богословъ въ Апокалипсисѣ: блаженъ, рече, иже получитъ часть въ первомъ воскресенію, и Павелъ:[2] яко бо о Адамѣ всѣ
