Христіанской землѣ, во правовѣрныхъ догматѣхъ воспитанные: чѣмъ престарѣются и изнемогутъ[1] тѣломъ, тѣмъ храбрше[2] ревность по благочестію подагаютъ[3] и острозрительнѣйшіе и пріятнѣйшіе ко Богу бываютъ.
А яковое было бы о томъ предреченномъ святомъ Ѳеодоритѣ удивленіе, аще бы вся по ряду исписалъ добродѣтельныя его дѣла и предивныя, ихъ же азъ единъ елико могу памятати![4] Что возглаголю[5] о томъ, яковыя онъ имѣлъ дароваванія отъ Бога, сирѣчь дары духа: силы исцѣленія, даръ пророчествія, даръ мудрости, яко грѣшники уловляти отъ презлыхъ дѣлъ діаволихъ и наводити на путь покаянія и приводити отъ нечестія и многолѣтнаго древняго невѣрія въ вѣру Христову поганскіе народы? А что бы реклъ и яко бы изглаголалъ о восхищенію его въ самыя обители небесньія, и о видѣніяхъ его неизреченныхъ, ими же Богъ посѣтилъ его? понеже еще въ тѣлеси тлѣнномъ суще,[6] безтѣлесными и невещественными почтенъ достоинствы и аероплавательными хожденіи. А яковую той мужъ тихость и кротость многую имѣлъ, и яковыя наказанія премудрыя, и въ гощеніяхъ[7] предивныя и наисладчайшія бесѣдованія и пользовательныя Апостоло-подобныя вѣщанія, егда случалось ему бесѣдовати къ сыновомъ духовнымъ, ихъ же нѣкогда и азъ недостойный многажды причастенъ былъ
