и о вѣнчанію, имъ же и яковымъ чиномъ Цесари Римскіе сущіе Христіанскіе отъ Папы и отъ Патріарховъ вѣнчаеми были; онъ же, повелѣнія Царева послушавъ, уже во старости и въ немощномъ тѣлѣ, обаче поиде съ радостію на таковое посольство. И ходилъ тамо и сѣмо вяще, нежели годъ, многи на пути бѣды и труды подъялъ, таможе[1] и огненнымъ недугомъ въ Константинополю аки два мѣсяца объятъ былъ; но и ото всѣхъ сихъ благодатію Божіею избавленъ, возвратився здравъ и принесе со благословеніемъ Соборнымъ посланіе отъ Патріарха ко Царскаго сана возведенію Великому Князю нашему; а потомъ и книгу вскорѣ Царскаго Величества вѣнчанія[2] всю Патріархъ прислалъ къ нему со своими Послы до Москвы, съ Митрополитомъ единымъ и со Мнихомъ[3] Презвитеромъ Противпсаломъ,[4] иже нынѣ Митрополитомъ Адріанопольскимъ есть.208) Но и къ тому глаголютъ: святому мужу оному самъ Патріархъ удивлялся, яко прислухался реченія и бесѣдованія его премудраго, такъ и жительства его умѣреннаго[5] и священнолѣпнаго.
Князь же Великій, обрадовавшеся Патріаршескаго посланія благословенію,[6] даритъ Ѳеодорита тремяста сребренники великими и кожухомъ[7] драгихъ соболей подъ аксамитомъ,[8] и къ тому якою властію духовною, аще бы онъ хотѣлъ: онъ
