шепчуще невидимо во уши и глаголюще имъ въ сердце: „ Тяжекъ, рече, вамъ и неподъемлемъ![1] И никтоже можетъ отъ человѣковъ претерпѣти уставомъ, вамъ преданнымъ отъ него: како можете безъ имѣній жити, своими руками хлѣба добывающе?“ (понеже другую заповѣдь отецъ былъ Ѳеодоритъ предалъ имъ изъ уставу[2] Соловецкихъ Зосимы и Савватія): „къ тому не токмо женъ[3] намъ, а ни скота единаго отнюдь женскаго полу не имѣти тамо!“ Сего ради сложившеся со діаволомъ, Мниси оные взнеистовишася: имаютъ[4] старца святаго и бьютъ нещадно, и не токмо изъ монастыря извлачаютъ, но и отъ страны тоя изгоняютъ, аки врага нѣкоего. Онъ же поиде отъ тѣхъ пустынь по неволѣ во вселенную, и бываетъ Игуменомъ во единомъ маломъ монастырѣ, въ Новогородской землѣ лежащемъ, и тамо аки два лѣта пребылъ. Потомъ возвѣстилъ о немъ Артемій премудрый Цареви:[5] ибо тогда былъ Игуменомъ великимъ Сергіева монастыря; Царь же абіе призываетъ къ себѣ его, и поставляется отъ Архіепископа Архимандритомъ Евфиміеву монастырю, иже близу великаго мѣста[6] Суздаля лежитъ. Тамъ оное достоинство того великаго мрнастыря управляетъ лѣтъ четыре, або пять. Понеже и тамъ обрѣлъ зѣло необузданныхъ Мниховъ и своевольно, не по уставамъ и святымъ правиломъ, живущихъ, ихъ же уздаетъ и возтя-
