ихъ; произволившихъ же нѣкоторыхъ оглашаетъ къ пути спасенному и потомъ просвѣщаетъ святымъ крещеніемъ , яко самъ онъ повѣдалъ ми, иже той языкъ Лопскій,[1] который просвѣтеся святымъ крещеніемъ, люди зѣло просты и кротцы и отнюдь всякаго лукавства неискусны, ко спасенномужъ пути тщаливы и охочи зѣло, яко послѣди множество отъ нихъ мнишеское житіе возлюбили, за благодатію Христа нашего и за того священными ученіи: понеже науча ихъ писанію, и молитвы нѣкоторыя превелъ имъ отъ Славенска въ ихъ языкъ.
Потомъ же по лѣтѣхъ немалѣхъ, егда распространяшесь въ томъ языцѣ проповѣдь Евангельская, изъявлены бысть чудеса и знаменія нѣкоторыя, яко глаголетъ Божественный Павелъ:[2] знаменіе, рече, не вѣрующимъ, но безвѣрниковъ[3] ради. Тогда наученныхъ отъ него и оглашенныхъ Лопянъ единаго дня крестишась яко двѣ тысячи со женами и дѣтьми. Сице онъ блаженный, Апостоломъ подобный мужъ, исправилъ во глубокихъ варварѣхъ, за благодатію Христовою, труды своими!
Чтожъ по сихъ начинается? Не терпитъ древній супостатъ человѣческаго рода, очима завистными зряще, благочестіе возрастаемо: разсѣдашеся[4] ненавистію, — и чтожъ творитъ? Подущаетъ на него новособранныхъ монастыря Мниховъ,
