Ѳеодоритъ Презвитеромъ; потомъ бываетъ и самому Архіепископу духовникомъ, и приводитъ тамо немало свѣтлыхъ и богатыхъ гражданъ къ пути[1] спасенному, и не бывше Епископомъ, воистинну свѣтлаго[2] Епископа дѣла исправляетъ. И вкратцѣ рещи:[3] цѣлитъ недужныхъ, очищаетъ прокаженныхъ, не тѣлесы, но душами, возвращаетъ заблужденныхъ, подъемлюще на рамена и приводяще ко Христу, первому пастырю, уловивше воистинну отъ сѣтей діавольскихъ, и изчистивъ[4] покаяніемъ, усвояетъ и приводитъ чистыхъ къ церкви Бога живаго.
Паки по дву лѣтѣхъ потомъ, пріемлетъ отъ богатыхъ нѣкоторыхъ немало сребра въ возложеніе Господеви, и возвращается ко оной пустынѣ, уже съ нѣкоторыми другими, и тамо, на устію предреченныя Колы рѣки, созидаетъ монастырь и въ немъ поставляетъ церковь, во имя пребезначальныя Троицы. Собираетъ тамъ чреду[5] мнишескую, и правило имъ священное уставляетъ, заповѣдающе имъ обще и отнюдь нестяжательно жительствовати, сирѣчь безъимѣнно,[6] своими руками пищу набывающе, яко рече великій Апостолъ: аще кто не дѣлаетъ, да не ястъ; и паки руцѣ мои послужиша ми и сущимъ со мною. Потомъ приходящихъ къ нему оныхъ глубокихъ варваровъ наказуетъ помалу и нудитъ на вѣру Христову: понеже искусенъ уже былъ языку
