глаголющему: удаляясъ отъ мірскихъ мятежей, ждуще[1] Бога спасающаго его. Яко рѣхъ, оставя другія страданія его тамо жявущимъ о житіи его и о преставленіи писати, а мы, яко здѣ странніи и пришельцы, ко предреченной краткой повѣсти о преподобномъ Ѳеодоритѣ возвратимся.
И въ той же пустынѣ жившу ему съ Порфиріемъ, обрѣлъ Артемія, премудраго Іоасафа, глаголемаго Бѣлобаева, и другихъ немало пустынниковъ, мужей святыхъ, нѣкоторыхъ и престарѣвшихся уже во днехъ; и тамъ съ ними во трудѣхъ духовныхъ подвизающеся вкупѣ, поживе аки четыре лѣта. Тогда же старецъ его, провидѣвъ свое отшествіе къ Богу, шлетъ къ нему эпистолію, просяще, да возвратится въ нему; онъ же съ радостію, яко елень, потече пѣшъ, шествуя такъ должайшій путь, вяще нежели отъ триста миль, по великимъ и непроходимымъ пустынямъ. И пріиде болѣзненными ногами съ таковымъ тщаніемъ и съ охотою: ни во что же вмѣняше многихъ трудовъ и жестокаго и долгаго пути сопротивъ умышленному усердному желанію; и возвращается, творя послушаніе, яко Тимоѳей къ Павлу, и объемлетъ многолѣтнаго святаго старца, лобызающе и цѣлующе пречестнѣйшія сѣдины Презвитерскія, и пребываетъ при немъ, служаще ему въ немощахъ и въ недузѣхъ его, ажъ до смерти старца, аки лѣто едино или мнѣе.
- ↑ Въ Э. чаялъ.
