ихъ, убогихъ ради и окаянныхъ отчинъ, несытства ради своего), изымалъ тогда брата своего, во крови ближняго, Княжа Сѣверскаго[1] Василія, нареченнаго Шемятича, мужа славнаго и зѣло храбраго и искуснаго въ богатырскихъ вещахъ, и поистиннѣ рещи, пагубу Бусурмановъ, яже не токмо отчину свою Сѣверу отъ частаго нахожденія безбожныхъ Измаильтянъ оборонялъ, поражающе ихъ многажды зѣло часто, но и на дикое поле подъ самую Орду Перекопскую ходяще многажды, и тамо пресвѣтлыя одолѣнія надъ Ординскими Цари поставляюще. Се толь преславнаго мужа, воистинну побѣдоносца, той то Князь Василій предреченный, отъ чародѣнцы Греческія[2] рожденъ, заточилъ въ темницу и тяжкими оковами вскорѣ уморити повелѣлъ.204)
Въ то время случилося ему во оный Сергіевъ монастырь пріѣхати, на святой великаго[3] Пянтикостія, яко тамъ есть обычай Московскимъ Княземъ на каждое лѣто того праздника въ томъ монастырѣ торжествовати, аки бы то духовнѣ. Святый же Игуменъ Порфирій,205) яко мужъ обычаевъ простыхъ и въ пустынѣ воспитанъ, началъ просити его и молити о предреченномъ Шемятичѣ, да свободитъ брата отъ темницы и отъ такъ тяжкихъ оковъ. Мучитель же началъ, дыхающе аки огнемъ, претити ему; старецъ же тихо отвѣщаваше и моляше: „Аще, рече, пріѣхалъ еси ко храму безначальныя Троицы, отъ трисіянна-
