Въ тѣхъ же лѣтѣхъ мужа погубилъ славнаго во преподобіи, и воистинну святаго и премудраго, Архимандрита саномъ, Ѳеодорита именемъ, о немъ же и о жительствѣ его священномъ вкратцѣ достоитъ воспомянути. Былъ онъ мужъ родомъ отъ мѣста[1] Ростова славнаго, отнюдужъ и святый Сергій провозрасте,[2] и изшелъ тотъ Ѳеодоритъ, въ третьенадесять лѣто возрасту своего, отъ дому родителей своихъ, и пойде ажъ на Соловецкій островъ въ монастырь, иже лежитъ на Ледовомъ[3] морѣ, и тамъ пребылъ аки лѣто едино; въ четвертоежъ-надесять лѣто возраста своего, принялъ на ся Монашескій образъ и вдался во святое послушаніе, яко есть обычай Монахомъ юнымъ, единому Презвитеру святу и премудру и многолѣтну сущу, Зосимѣ именемъ, тезоименитому ученику самого святаго Зосимы Соловецкаго. И послуживъ ему въ послушаніи духовномъ неотступно пятьнадесять лѣтъ; тамъ же навыче всякой духовной премудрости, и взыде ко преподобію[4] по степенемъ добродѣтелей; потомъ хиротонисанъ былъ отъ Архіепископа Новгородскаго Діакономъ, и потомъ пребывше аки лѣто едино у старца своего, изыде изъ того монастыря, за благословеніемъ его, на созерцаніе ко славному и великому мужу, чудотворцу сущу, Александру Свирскому, и пребывъ у него яко чистый у чистаго и непорочный у непорочнаго; онъ же принялъ его со провидѣніемъ, внѣ монастыря, во срѣтеніе его изшедше: ибо никогдаже
