нію отъ Бога.200) Въ яковый ровъ человѣческій родъ діаволъ вверже со своимъ стайникомъ,[1] зри здѣ! Се маньяковъ или похлѣбниковъ плоды полезны201) таковы: во Евангеліи учатъ враговъ любити и гонящихъ благословляти и прочее; естественныя внутрь всѣхъ человѣковъ безъ гласа вопіютъ и безъ языка учатъ къ родителемъ покореніе, а ко сроднымъ и другомъ любовь имѣти: а діаволъ съ клевретомъ своимъ полкъ Кромѣшниковъ сопротивъ всѣхъ тѣхъ вооружилъ, и клятвами очаровалъ; и воистинну чары, всѣхъ чаровъ проклятые и сквернѣйшіе, надъ чедовѣческимъ бѣднымъ родомъ стались отъ чаровъ зачатаго Царя. Господь заповѣдуетъ не пріимати имени своего туне, а ни малѣйшими отнюдь клятвами обязатись[2] свободному естеству сущему, сирѣчь а ни небомъ, ни землею, ни главою своею, и прочими не клятись: а тѣ предреченные Кромѣшники, аки забывши, отрекши[3] всѣхъ тѣхъ, сопротивныя пострадаша.
Но что дивитеся, здѣ живущіе издавна подъ свободами[4] Христіанскихъ Кролей, аки вѣрѣ не подобны бѣды наши, оныя предреченныя, мняще! Воистинну, паче вѣрѣ не подобны бы обрѣлися, аще бы всѣ по ряду исписалъ. А сіе писалъ, къ сокращенію трагедіи тоя жалостныя зряще: понеже и такъ едва отъ великія жалости сердце ми не расторглося.
