и благонравенъ, въ довольныхъ лѣтѣхъ былъ;194) и другій мужъ Цыплетевъ, нареченный Неудача, съ роду Княжатъ Бѣлозерскихъ, со женою и со дѣтками погубленъ, такожъ былъ благонравенъ и искусенъ и богатъ зѣло; а были тые даны[1] на послуженіе великія церкви Софіи, сирѣчь Премудрости Божіей; и другіе съ ними благородные Шляхетные мужи и юноши различнѣ[2] помучени и побіени. И слышахомъ, иже великія, проклятыя, кровавыя богатства тогда пріобрѣлъ: бо въ томъ великомъ старожительномъ мѣстѣ, въ Новѣградѣ, родъ[3] живетъ куплелюбенъ: бо маютъ отъ самаго мѣста[4] портъ[5] къ морю; сего ради и богати зѣло бываютъ; подобно, яко мню, великихъ ради богатствъ губилъ ихъ. Потомъ поставлена другаго Архіепископа въ того мѣсто, мужа, яко слышахомъ, нарочита и кротка; но аки по дву лѣтѣхъ, и того повелѣлъ убити со двѣма Опаты,[6] сирѣчь Игумены великими, або Архимандриты.195) Къ томужъ въ то время множество Презвитеровъ и Мниховъ различнѣ помучено и погублено.
Тогдажъ1575. убіенъ отъ него Корнилій, Игуменъ, Печерскаго монастыря начальникъ, мужъ святый и во преподобію многъ и славенъ: бо отъ младости своей во мнишескихъ трудѣхъ провозсіялъ, и монастырь онъ предреченный воздвиже со многими труды и молитвами къ Богу, идѣже и без-
