великаго мужъ, такъ и разума многаго, и мужъ чистаго и воистинну святаго жительства, и Священныхъ писаній послѣдователь, и ревнитель по Бозѣ, и въ трудѣхъ духовныхъ многъ; къ тому и Максима Философа мало нѣчто отчасти ученія причастенъ былъ; аще же и отъ Осифлянскихъ[1] Мниховъ четы произыде, но отнюдь обычая лукаваго и обыкновеннаго ихъ лицемѣрія непричастенъ былъ: но человѣкъ простый, истинный и непоколебимъ въ разумѣ, и великій помощникъ былъ въ напастехъ и въ бѣдахъ объятымъ, такожъ и къ убогимъ милостивъ зѣло.191)
Потомъ убилъ Архіепископа великаго Новаграда, Пимена. Той-то былъ Пименъ чистаго и зѣло жестокаго жительства, но въ дивныхъ былъ обычаяхъ: бо глаголютъ его похлѣбовати[2] Мучителю, и гонитель былъ вкупѣ на Филиппа Митролита, а мало послѣди, и самъ смертную чашу испилъ отъ него: бо пріѣхавъ самъ въ Новгородъ великій, въ рѣцѣ его утопити повелѣлъ.192) И тогдажъ таковое гоненіе воздвигъ во ономъ мѣстѣ великомъ,[3] иже, глаголютъ, единаго дня посѣщи,1570. и потопити, и пожещи, и другими различными муками помучити больше пятинадесяти тысящь мужей единыхъ, кромѣ женъ и дѣтей, повелѣлъ.193) Въ томъ же тогда прелютомъ пожарѣ убіенъ отъ него Андрей, глаголемый Тулуповъ,[4] съ роду Княжатъ Стародубскихъ, мужъ кротокъ
