отъ него во свои палаты, и абіе совѣтъ той духовный любимымъ своимъ ласкателемъ изъявилъ: уже бо слеташася[1] къ нему отовсюду, вмѣсто оныя добрыя избранныя Рады, не токмо навѣтники презлые и паразиты[2] прелукавые и блазни,[3] но и татіе,[4] воистинну, и разбойницы и всякихъ сквернъ нечистыхъ исполненные человѣцы. Они же, боящеся, аще бы Епископа послушалъ совѣта, абіе бы паки были отогнани отъ лица его и изчезли въ свои пропасти и норы, егда услышавше сіе отъ Царя, отвѣщали яко едиными усты: „Боже, рече, сохрани тебя отъ таковаго совѣта! Паки ли хощеши, о Царю! быти въ неволѣ у того Епископа еще горшей, нежели у Алексѣя и у Селивестра былъ еси предъ тѣмъ много лѣтъ?“ И моляша его со слезами, х’колѣнамъ его припадающе, паче же единъ отъ нихъ, глаголемый Алексѣй Басмановъ, съ сыномъ своимъ. Онъ же послушавъ ихъ, абіе Епископа съ палатъ[5] церковныхъ изгнати повелѣлъ, глаголюще: „Еще, рече, и на Митрополію не возведенъ еси, а уже мя неволею обвязуешь!“… И по дву днехъ обрѣтенъ во дворѣ своемъ мертвъ Епископъ онъ Казанскій:189) овы глаголютъ удушенна его тайнѣ, за повелѣніемъ его, овыжъ ядомъ смертоноснымъ уморенна.[6] А былъ той Германъ свѣтла рода человѣкъ, яже Полевы[7] нарицаются та Шляхта по отчинѣ;190) и бѣ[8] онъ яко тѣла[9]
- ↑ Въ Р. суже бо слѣдшая; въ Б. смѣташеся.
- ↑ Въ Э. и въ П. на полѣ: тунеядцы.
- ↑ Въ Э. и въ П. на полѣ: шуты; въ Р. блазные шуты.
- ↑ Изъ Р; въ П. Б. и Э. такіе.
- ↑ Изъ Р; въ Б. и Э. послалъ отъ; въ П. послалъ въ Церковныхъ.
- ↑ Въ Р. и Э. умиренна.
- ↑ Въ Р. полевый; въ Э. полевыя.
- ↑ Въ Б. и Э. ибо.
- ↑ Такъ въ др. сп. въ П. лѣта.