По умертвіи Митрополита Московскаго Аѳанасія, или по изшествію его волею отъ престола,182) возведенъ бысть Филиппъ, Соловецкаго острова Игуменъ, на Архіепископскій престолъ[1] Русскія Митрополіи, мужъ, яко рѣхомъ, славна и велика рода, и отъ младости своея вольною мнишескою нищетою и священнолѣпнымъ жительствомъ украшенъ, въ разумѣжъ крѣпокъ и мужественнѣйшъ.183) Егда же Епископомъ поставленъ,1566. тогда Епископскими дѣлы начатъ украшатися, паче же Апостольски по Бозѣ ревновати. Видѣвъ онаго Царя, не по Бозѣ ходяща, всязескими кровьми Христіанскими невинными обливаема, всякія неподобныя и скверныя дѣла исполняюща, начадъ первѣе молити благовременнѣ, яко Апостолъ великій рече, и безвременнѣ належати; потомъ претити страшнымъ судомъ Христовымъ, заклинающе, по данной ему отъ Бога Епископской власти, и глаголати не стыдяся о свидѣніяхъ Господнихъ[2] такъ прегордому и прелютому, безчеловѣчному Царю. Онъ же многу съ нимъ брань воздвиже и на потвари[3] презлые и сикованцы абіе устремился. О неслыханныя вещи, ко изглаголанію тяжки! Посылаетъ по всей Святорусской[4] землѣ ласкателей своихъ скверныхъ, тамо и овамо рыщуще и обтичующе,[5] аки волцы разтерзатели отъ прелютѣйшаго звѣря посланные, ищуще и набывающе на святаго Епископа изметныхъ[6] вещей; лжесвидѣтелей же многими дарами
