Царевичи своими, аки въ десяти тысящахъ: Христіанскіе же воины[1] сопрошася съ ними крѣпцѣ, бронящеся[2] града и убогихъ Христіанъ, при томъ градѣ живущихъ, отъ наглаго нахожденія поганскаго; и въ томъ оброненію подвизающеся храбрѣ, овыи зѣло уранены,[3] овыижъ, до смерти подвизающеся, посѣчени отъ погановъ.[4] И абіе по той битвѣ, аки по трехъ днехъ, предивно и ужасно не токмо ко изреченію, но и ко слышанію случилося тяжко и изумленно[5] нѣчто: абіе внезапу нападоша отъ толь[6] прелютаго звѣря и Святорусскія земли губителя, отъ того Антихристова сына и сатанника,[8] предреченные Кромѣшники его на оставшихъ Христіанскихъ воиновъ, которые а ни[9] непщеванни были еще остати отъ закланія ихъ и ото Измаильтеска избіенія; прибѣгшихъ ихъ, глаголютъ, во градъ вопіющихъ, яко бѣснующихся, по домохъ и лыстѣхъ[10] рыщущихъ или обтекающихъ и пытающихъ: „гдѣ есть онъ?“ сирѣчь[11] Князь Андрей Мещерскій и Князь Никита братъ его, и Григорій Іоанновъ сынъ Сидорова, предреченному стрыечный. Слугижъ ихъ, показующе имъ тѣлеса мученическія отъ Измаилтянъ новоизбіенныя: онижъ яко неистовые, уповающе еще ихъ живыхъ, вскочиша въ домы ихъ рѣзати съ мучительскими орудіи уготованными; видѣвше же уже ихъ мертвыхъ, абіе
- ↑ Въ Б. Христіанъ. Христіанскіи же.
- ↑ Въ Р. броняшеся; въ Э. обороняюще.
- ↑ Въ Б. и Э. украшены.
- ↑ Въ Б. отъ поганаго.
- ↑ Въ Э. измѣнно; въ К. и изуменіи; въ Р. изумѣнію.
- ↑ Въ Р. и Э. того.
- ↑ Все слова, кроме «стайника», неразборчиво. — Примѣчаніе редактора Викитеки.
- ↑ Въ П. стайника; въ Р. и станника; въ К. и Э. и стаинника; въ Б. и ставленника.[7]
- ↑ Въ Э. отъ нихъ.
- ↑ Въ Б. подобно или тѣхъ; въ Р. и К. по домохъ или станехъ.
- ↑ Такъ я читаю; въ П. сица; въ К. Р. и Б. аще.
