ное и недостойное ученыхъ мужей, въ землю лютыхъ варваровъ… идѣже единъ отъ нихъ, Іоаннъ именемъ, изыманъ живъ на битвѣ и уморенъ отъ Майстра Лифляндскаго въ прелютой темницѣ: яко достояло мужу ученому, пострадалъ за отечество; а другій, предреченный Михаилъ, былъ остался, и былъ Воеводою въ Ругодевѣ:[1] тамъ убіенъ, яко рѣхомъ, отъ онаго Мучителя, варварскаго Царя. Такъ убо онъ, грубый и прелютый варваръ, не памятуючи отеческихъ и братскихъ служебъ, воздаетъ своимъ, свѣтлыми дѣлы украшеннымъ, вѣрнымъ служащимъ ему мужемъ!
Потомъ погубилъ родъ Колычевыхъ,[2] такоже мужей свѣтлыхъ и нарочитыхъ въ родѣ, единоплеменныхъ сущихъ Шереметевымъ: бо прародитель ихъ, мужъ свѣтлый и знаменитый, отъ Нѣмецкія земли выѣхалъ, ему же имя было Михаилъ: глаголютъ его быти съ роду Княжатъ Решскихъ.[3] А побилъ[4] ихъ тое ради вины, иже разгнѣвался зѣло на стрыя ихъ, Филиппа Архіепископа, обличающа его за презлыя беззаконія, о немъ же вкратцѣ послѣди повѣмъ. И бысть тогда знаменіе не худо[5] отъ Бога явлено надъ единымъ отъ тѣхъ, емужъ имя было Іоаннъ Борисовичъ Колычевъ; чудо же воистинну таково, яко слышахъ отъ самовидца, при томъ зрящаго: егда зѣло возъярился, паче же рещи, неистовился[6]
