момъ наусію,[1] иже посланъ былъ на науку за море, во Ерманію, и тамо навыкъ добрѣ Алеманскому языку и писанію: бо тамъ пребывалъ, учась, немало лѣтъ, и объѣздилъ всю землю Нѣмецкую, и возвратился былъ къ намъ во отечество, и по коликихъ лѣтѣхъ, смерти вкусилъ отъ Мучителя неповиннѣ. А той то Матвѣй Лыковъ, отецъ его Михайловъ, блаженныя памяти, созженъ: пострадалъ за отечество тогда, когда возвратишась отъ Стародуба войско Ляцкое и Литовское со Гетманы своими: тогда немало градовъ Сѣверскихъ[2] разориша; Матвѣй же той, видѣвъ, иже не можетъ избавленъ быти градъ его, первѣе выпустилъ жену и дѣтки свои во плѣнъ, потомъ не хотяще самъ видѣти взятье града отъ супостатовъ, и тако[3] броняше стѣнъ градскихъ вкупѣ съ народомъ, иже произволилъ созженъ быти съ ними, нежели супостатомъ градъ сдати. Жена же и дѣти его отведены быша, яко плѣнники, до Короля стараго Сигизмунда. Король же воистинну, яко сущій святый Христіанскій, повелѣлъ ихъ питати не яко плѣнниковъ, но яко своихъ сущихъ, не токмо питати во своихъ Царскихъ палатахъ, но и Докторомъ своими повелѣлъ ихъ[4] научити Шляхетскихъ наукъ и языку Римскому.161) Потомъ по коликихъ лѣтѣхъ, Послы Московскіе Великіе, Василій Морозовъ и Ѳедоръ Воронцовъ,[5] въ Краковѣ упросиша ихъ у Короля во отечество… глаголю, воистинну неблагодар-
