ажъ нощь темная розвела битву.99) Такожъ, и недавными лѣты, яко лучше, мню, вамъ вѣдомо есть сіе, Князь Великій Іоаннъ Московскій, дѣдъ того настоящаго, умыслилъ былъ тую землю взяти, и крѣпцѣ бронихомся, яко и со Гетманомъ его Даниломъ сведохомъ колько битвъ, и двѣ одержахомъ.100) Но обаче, еликими нибудь обычаи ублагахомъ[1] оныхъ предреченныхъ, Богу, яко рѣхомъ, помогающу праотцомъ нашимъ, и при своихъ отчинахъ устояли. Нынѣ же, егда отступихомъ отъ вѣры церковныя,[2] и дерзнухомъ, и опровергохомъ законы и уставы святые, и пріяхомъ вѣру новоизобрѣтенную, и за тѣмъ въ невоздержаніе, ко широкому и пространному пути вдахомся, вводящему въ погибель: и явственно нынѣ обличающе Господь грѣхи наши и казняще насъ за беззаконія наши, предалъ насъ въ руки вамъ, врагомъ[3] нашимъ. И яже сооружили были прародители наши намъ грады высокіе и мѣста твердыя, палаты и дворы пресвѣтлые: вы, о томъ не трудившись, ни проторовъ многихъ налагающе, внидоша въ нихъ; садовъ же и виноградовъ нашихъ, не насадивше, наслаждаетесь, и другихъ таковыхъ устроеній нашихъ домовыхъ ко житію потребныхъ.“
„А что глаголю о васъ, иже,[4] аки бы мните, мечемъ побрасте! Другіежъ безъ меча въ наши богатства и стяжанія туне внидоша, ни мало, ни въ чесомъ же трудившесь, обѣщавающе намъ
