предреченныхъ Срацынъ, несогласія ради безумныхъ Грековъ: тогда, обрѣтше его въ конецъ спустошенъ, обновиша его съ прочими[1] грады и мѣсты другими, и укрѣпивъ ихъ и осадя, обладаша тамо[2] со остальными живущими обладатели.[3] А иже къ полунощи пловущіе, приплыша единъ, идѣже бѣ Пруссы, и тамо живущими обладали; а третьи въ тую землю;[4] и обрѣтоша ту языцы зѣло жестоки и непокорныхъ варваровъ, и заложиша градъ и мѣсто первое Ригу, потомъ Ревль, и бишась много со живущими ту оными предреченными варвары, и едва возмогоша ими обладати, и наклонити ихъ немалыми лѣты ко познанію Христіанскія вѣры.“
„Егдаже усвоиша тую землю ко Христову нареченію, тогда обѣщашася въ возложеніе[5] Господеви и на похвалу имени Пречистыя Его Богоматери. Внегда же пребывахомъ въ Католицкой[6] вѣрѣ и жительствовахомъ мѣрнѣ[7] и цѣломудреннѣ; тогда Господь нашъ здѣ живущихъ вездѣ покрывалъ ото враговъ нашихъ и помогалъ намъ во всемъ, яко отъ Русскихъ Княжатъ, находящихъ на землю сію, такъ и отъ Литовскихъ. Другія оставя, единужъ исповѣмъ, яже зѣло крѣпку битву имѣхомъ со великимъ Княжатемъ Литовскимъ Витовтомъ, иже у насъ во единъ день шесть Майстровъ было поставлено, и единъ по единому побиты, и такъ крѣпцѣ сражахомся,
