пѣшихъ 10,000[1] стрѣльцовъ и казаковъ, и дѣлъ великихъ аки 40, такожъ и другихъ дѣлъ аки 50, ими же огненный бой съ стѣнъ сбиваютъ, а и мнѣйшія по полторы сажени: и повелѣніе пріиде отъ Царя намъ итти подъ Феллинъ. Мы же[2], взявши вѣдомость, иже Майстръ хощетъ выпроводити кортуны великія предреченныя и другія дѣла и скарбы свои во градъ Гапсалъ, иже на самомъ морѣ стоитъ, тогда абіе послахомъ 12,000 съ Стратилаты, да обгонятъ[3] Феллинъ; а сами пойдохомъ съ другою частію войска инымъ путемъ, а дѣла всѣ препроводихомъ Имбекомъ[4] рѣкою вверхъ,95) и оттуды езеромъ, ажъ за двѣ мили отъ Феллина выкладахомъ ихъ на берегъ съ галій[5]; а оные Стратилаты, прежде посланные отъ насъ къ Феллину, идяху путемъ поблизу града Нѣмецка Армуса,96) аки за милю. Филиппъ же Ленсъ, Маршалокъ,[6] мужъ храбрый и въ военныхъ вещахъ искусный,97) мающе[7] съ собою аки 500 человѣкъ райтаровъ Нѣмцевъ, и аки бы другіе 500 або 400 пѣшихъ, не вѣдаше о такомъ великомъ люду, мняще мои посылки, яже не единъ кратъ посылахъ воевати подъ той градъ прежде, даже великое еще войско пришло со предреченными Стратиги: и изыде на нихъ со дерзновеніемъ скоро, а наипаче, яко Нѣмцы мало бываютъ въ день трезвы, взявши отъ бѣгающихъ во осаду[8] вѣдомость, а не вывѣдавшися совершеннѣ, яко-