И оттуду возвратихомся паки къ Дерпту; и опочивавши войско аки 10 дней, (къ тому, своею охотою непосланныхъ на то[1], къ намъ прибыло аки 2,000[2] войска, алибо и вяще), паки поидохомъ къ Феллину, идѣже бѣ Майстръ старый предреченный. И укрывши все войско, послахомъ единъ полкъ Татарскій, аки предмѣстія жещи; онъ же, мняще малый людъ, выѣхалъ самъ бронити со всѣми людьми, яже бѣ во градѣ, и поразихомъ его засадою: едва самъ утече. И воевахъ потомъ тыжъ день цѣлый[3], и возвратихомся съ великими богатствы и корыстьми, и вкратцѣ рещи: седмь, алибо осемь кратъ того лѣта1560. битвъ имѣхомъ великихъ и малыхъ, и вездѣ, за Божіею помощію, одолѣніе получихомъ. А срамъ бы ми было самому о своихъ дѣлѣхъ вся сія по ряду писати; а сего ради множайшее оставляю, яко о Татарскихъ битвахъ, яже во младости моей бывали съ Казанцы и Перекопцы, такъ и со другими языки: бо вѣмъ сіе добрѣ, иже подвиги Христіанскихъ воиновъ[4] не суть забвенни, а ни малѣйшіе, предъ Богомъ, не токмо подвизи, по Бозѣ за правовѣріе со доброю ревностію производимые, или сопротивъ чувственныхъ враговъ или мысленныхъ, но и власы на главахъ нашихъ изочтени суть, яко самъ Господь рече.
Егдажъ пріидоша Гетмани со другимъ великимъ войскомъ къ намъ, къ Дерпту, съ ними жъ было воинства вяще тридесять тысящь коннаго, и
