рушилася: понеже оставшая частъ ихъ Кролеви Польскому, ко великому Княжеству Литовскому поддашеся: зане Кесь,[1] столичный свой градъ, новозбранный[2] Майстръ[3] отдалъ и забѣжалъ, подобно отъ страха, за Двину рѣку, упрося себѣ у Кроля Курдяндскую землю, и прочіе грады, яко рекохъ, сіе съ Кесью все оставилъ, еже обою страну отсюду Двины[4] рѣки великія; а другіе Шведскому Кролю поддашася, яко мѣсто великое Ревль; а другіе Датскому89). А въ мѣстѣ, реченномъ Вильянѣ, а по-Нѣмецкому Филніе[5], Майстръ старый Фиштенъ-берклъ90) осталъ,[6] и при немъ[7] кортуны[8] великія, ихъже многою цѣною изъ заморя з’ Любка, мѣста великаго,[9] отъ Германовъ своихъ достали было: и вся стрѣльба огненная многая.
На тотъ же Вильянъ Князь Великій войско свое съ нами91) великое послалъ; а первѣе, до того аки за два мѣсяца еще, въ самую весну, пришелъ азъ въ Дерптъ[10], посланъ отъ Царя, того ради92): понеже было у воинства его зѣло сердце сокрушенно отъ Нѣмецъ, зане егда обращали[11] искусныхъ Воеводъ и Стратилатовъ своихъ противъ Царя Перекопскаго, храняще предѣловъ своихъ , вмѣсто тѣхъ случилось посылати въ Лифляндскіе городы неискусныхъ и необыкновенныхъ въ полкоустроеніяхъ, и того ради, мно-
