живятся[1] млекомъ точію отъ стадъ различныхъ скотовъ своихъ, а хлѣбъ тамо а ни[2] именуется. Видѣвшежъ остатные, иже явственнѣ на нихъ гнѣвъ Божій пущенъ, поидоша, препитанія ради, до Перекопскія Орды. Господъ же и тамо поражаше ихъ такъ: отъ горенія солнечнаго наведе сухоту[3] и безводіе; идѣже рѣки текли, тамъ не токмо вода обрѣтесъ, но и копавши[4] три сажени въ землю, едва нѣгдѣ мало что обрѣташеся. И такъ того народу Измаильтескаго мало за Волгою осталося, едва пять тысящей военныхъ людей: его же было число подобно песку морскому. Но и съ Перекопіи тѣхъ Нагайскихъ Татаръ выгнано, такоже мало что ихъ осташася: понеже и тамо гладъ былъ и моръ великій. Нѣкоторые самовидцы наши, тамо мужіе бывше, свидѣтелъствовали, иже и въ той Ордѣ Перекопской десяти тысящей коней отъ тоя язвы не осталось. Тогда время было надъ Бусурманы Христіанскимъ Царемъ мститися за многолѣтную кровь Христіанскую, безпрестаннѣ проливаему отъ нихъ, и успокоити[5] собя и отечество свое вѣчнѣ: ибо ничего ради другаго, но точію[6] того ради и помазаны бываютъ, еже прямо судити и Царство, врученное имъ отъ Бога, оброняти отъ нахожденія варваровъ. Понеже и нашему тогда Цареви Совѣтницы нѣкоторые,[7] мужіе храбрые и мужественные, совѣтовали и стужали, да подвигнется самъ, съ своею главою, со великими войски на Перекопскаго,[8] времени
