наказуетъ; егдажъ уже не исцѣльно[2] будетъ, тогда — казни, на образъ хотящимъ беззаконовати[3]. Приложилъ еще же и другое милосердіе, яко рѣхомъ, дарующе и утѣшающе въ покаянію суща Царя Христіанскаго.
Въ тѣхъ же лѣтѣхъ, аки мало предъ тѣмъ, даровалъ ему[4] къ Казанскому другое Царство Астраханское; а се вкратцѣ извѣщу о семъ.[5] Послалъ тридесять тысящей войска въ галіяхъ рѣкою Волгою на Царя Астраханскаго; а надъ ними поставилъ Стратига, Юрья именемъ, съ роду Княжатъ Пронскихъ (яко рѣхомъ прежде о немъ, о Казанскомъ взятью пишучи), и къ нему прилучилъ другаго мужа Игнатья, рененнаго Вешнякова[6] ложничаго[7] своего, мужа воистинну храбраго и нарочитаго.84) Они же шедши взяша оное Царство,2 Іюля 1554. лежащее близу Каспійскаго моря; Царь же утече предъ ними; а Царицъ его и дѣтей побрали и со скарбы[8] Царскими; и всѣ людіе, иже въ Царствѣ ономъ, ему покорили, и возвратишася со свѣтлою побѣдою, здравы со всѣмъ воинствомъ.85)
Потомъ въ тѣхъ же лѣтѣхъ моръ пущенъ былъ отъ Бога на Нагайску Орду,[9] сирѣчь на Завольскихъ Татаръ, и сице наведе его: пустилъ на нихъ такъ зиму зѣло лютѣ[10] студеную, ижъ весь скотъ ихъ померъ, яко стада конскія, такъ и другихъ скотовъ, а на лѣто и сами изчезоша: тамъ бо они
- ↑ Одна буква неразборчива. Возможно «н», «п» или «и». — Примѣчаніе редактора Викитеки.
- ↑ Въ Р. не[?]щедно.[1]
- ↑ Въ Р. на полѣ: да прочіе не беззаконствуютъ.
- ↑ Въ Э. прибавлено: Богъ къ Царству.
- ↑ Въ Р. вкратцѣ изліявши о семъ.
- ↑ Въ Б. Вишнякова.
- ↑ Въ Э. и П. на полѣ: постельничаго.
- ↑ Въ Р. съ карбы; въ Э. и сокровищи.
- ↑ Въ Э. землю.
- ↑ Въ Э. лютую.
