мецкое мѣсто великое Дерптъ и другихъ о двадесять[1] градовъ. Онъ же не повоевавъ, оттуды возвратился къ Ордѣ со всѣми силами своими, со великою тщетою и срамомъ: бо та зима зѣло была студена и снѣги великіе, и того ради кони собѣ всѣ погубили, и множество ихъ отъ зимы и самихъ померло; къ тому и наши за ними гоняли, ажъ до рѣки до Донца, глаголемаго Сѣверскаго, и тамо, по зимовищамъ ихъ обрѣтая, губили.82) Паки на тую же зиму Царь нашъ послалъ съ воискомъ своимъ не малыхъ Гетмановъ своихъ, Ивана Княжа Мстиславскаго и Петра Шуйскаго, съ роду Княжатъ Суздальскихъ: и взяли вшедше единъ градъ1560. зѣло прекрасенъ, стоитъ среди не малаго озера, на таковой выспѣ,[2] яко велико мѣстѣчко[3] и градъ: а зовутъ его, иговскимъ языкомъ, Адюстъ,[4] а по Нѣмецки Наримборхъ.[5] 83)
Въ тѣжъ то лѣта, яко прежде воспомянухомъ, иже былъ Царь нашъ смирился и добрѣ царствовалъ и по пути Господня закона шествовалъ, тогда ни о чесомь же, яко рече Пророкъ, враги его смирилъ, и на наступающихъ[6] языковъ народу Христіанскому возлагалъ руку свою. Произволеніе человѣческое Господь Всещедрый паче добротою наводитъ и утверждаетъ, нежели казнію: ащели же уже зѣло жестоко и непокориво обрящется, тогда прещеніемъ, съ милосердіемъ смѣшеннымъ,
