двѣ тысящи заморскихъ Нѣмецъ, иже къ нимъ пріидоша за пенязи. И стояли есмы подъ тѣмъ великимъ мѣстомъ[1] и градомъ двѣ недѣли, пришанцовався и заточа дѣла[2] и все мѣсто тое облегши,[3] отъ него же не могоша уже ни изходити, ни входити въ него; и бишася съ нами крѣпцѣ, броняще града и мѣста, яко огненною стрѣльбою, тако частыя вытечки[4] творяще на войско наше, воистинну яко достоитъ рыцарскимъ мужемъ. Егдаже уже мы стѣны мѣскія[5] изъ великихъ дѣлъ разбихомъ, также изъ верхнихъ дѣлъ стрѣляюще, ово огнистыми[6] кулями, ово каменными, немалую тщету въ людѣхъ сотворихомъ; тогда они начали роковати[7] съ нами, и выѣзжали къ намъ изъ града о постановленію четыре кратъ дня единаго, о немъ же бы долго писати, но вкратцѣ рещи: сдали мѣсто и градъ.18 Іюля. 1558. И оставленъ[8] каждый при домѣхъ своихъ и при всѣхъ стяжаніяхъ; токмо Бискупъ выѣхалъ изъ мѣста до кляштора[9] своего, аки бы миля велика отъ мѣста Дерпта; и пребылъ тамо до повелѣнія Царя нашего, и потомъ поѣхалъ къ Москвѣ, и тамо былъ данъ ему удѣлъ до живота его, сирѣчь градъ единъ со великою властію.[10]
И того лѣта взяхомъ градовъ Нѣмецкихъ съ мѣсты[11] близу двадесяти числомъ; и пребыхомъ въ той землѣ ажъ до самаго первозимія, и возвра-
