лемый,76) иже стоитъ на рѣкѣ Нарвѣ, идѣже она исходитъ изъ великаго езера Чюцкаго: та есть рѣка не мала, ею же отъ мѣста Пскова портъ, ажъ[1] до мѣстъ оныхъ предреченныхъ; и били съ дѣлъ по немъ только три дни и поддали его Нѣмцы нашимъ. Мы же отъ Пскова пойдоша подъ Нѣмецкій градъ, нарицаемый Новый,[2] иже межитъ отъ границы Псковскія аки полторы мили;77) стояхомъ же подъ нимъ вяще, нежели мѣсяцъ, заточивши дѣла[3] великія: едва[4] возмогохомъ взяти его, бо зѣло твердъ былъ. Майстръ же Лифляндскій, со всѣми Бискупы и властели земли оныя, пошелъ ко граду тому на помощь сопротивъ насъ, имѣюще войска Нѣмецкаго съ собою вяще, нежели осмь тысящей, и не доходя отъ насъ сталъ аки за пять миль, за великими крѣпостьми блатъ и за рѣкою единою;78) къ намъ же далѣ не пошелъ, подобно боялся: бо на единомъ мѣстѣ стоялъ, окопався, четыре недѣли обозомъ. Егдажъ послышалъ, иже стѣны града разбиты, и градъ уже взятъ, поиде назадъ къ мѣсту[5] своему, Кеси, а Бискупово[6] войско ко Юрьеву граду:[7] и недопущено ихъ до мѣста и поражено.[8] За Майстромъ же сами мы пойдохомъ, и отойде[9] отъ насъ.
Мы же возвратихомся оттуды, и пойдохомъ до великаго мѣста Нѣмецкаго, глаголемаго Дерпта,[10] въ немъ же Бискупъ самъ затворился со Бурмистры великими и со жители града, и къ тому аки
