рѣку, овіи въ кораблецѣхъ различныхъ, овіи на дщицахъ, овіи же врата вымающе отъ домовъ[1] своихъ и поплыша; потомъ и воинство устремилось, аще и Воеводамъ крѣпцѣ возбраняющимъ имъ о семъ, премирья ради: онижъ, не послушавъ, видѣвше явственный Божій гнѣвъ на нихъ пущенный, а нашимъ подающій[2] помощь, и абіе разломавши врата желѣзные и проломавши стѣны, внидоша въ мѣсто: бѣ бо буря она зѣлная, отъ мѣста на градъ возбуряше[3] огнь. Егдажъ пріидоша съ мѣста ко граду[4] войско наше, тогда начаша Нѣмцы противитися имъ, исходяще изъ вратъ вышеградскихъ и бишася съ нами,[5] аки на двѣ годины;[6] и взявши наши дѣла, яже во вратѣхъ мѣста[7] Нѣмецкаго и которыя на стѣнахъ стояли, и начаша на нихъ стрѣляти изъ дѣлъ оныхъ. Потомъ приспѣша стрѣльцы Русскіе со Стратилаты ихъ, такожъ и стрѣлъ множество отъ нашихъ вкупѣ съ ручничною[8] стрѣльбою пущаемо на нихъ. Абіе встиснуша ихъ во вышеградъ; и ово отъ великаго духа огня,[9] ово отъ стрѣльбы, яже изъ ихъ дѣлъ[10] на нихъ по вратомъ вышеградскимъ стрѣляно, ово отъ великаго множества народу, (бо онъ вышеградъ былъ тѣсенъ), начаша абіе просити, да повелѣно будетъ имъ розмовити.[11] Егдажъ утишишась съ обѣихъ странъ войска, изыдоша изъ града и начаша постановляти съ нашими,[12] да дадутъ имъ вольное изхожденіе и да пу-
