Нѣмецкое мѣсто,[1] глаголемое Нарва,[2] и Русское Иваньградъ объ едину рѣку стоятъ, а оба два града и мѣста не малые, пачеже той Русскій[3] многонароденъ: и на самый день, въ онь же Господь нашъ, Іисусъ Христосъ, за человѣческій родъ плотію пострадалъ, и въ той день, ему по силѣ своей каждыи Христіанинъ подобяся,[4] страстямъ его[5] терпитъ, въ постѣ и въ воздержанію пребывающе: а ихъ милость Нѣмцы, велеможные и гордые,[6] сами себѣ новое имя изобрѣтше, нарекшеся Евангелики, въ началѣ еще дня тогоАпрѣль 1558. ужравшися[7] и упившися, надъ надежду всѣхъ изъ великихъ дѣлъ[8] стрѣляти на мѣсто Русское начали и побиша люду[9] немало Христіанскаго, со женами и дѣтками, и проліяша кровь Христіанскую въ такіе великіе и святые дни: бо[10] безпрестаннѣ били три дни, и на самый день Христова Воскресенія не унялися, будучи въ премирію, присягами утвержденномъ. А на Иванѣградѣ Воевода, не смѣючи безъ Царева вѣдома, премирья нарушити, далъ скоро до Москвы знати;[11] Царь же вниде въ совѣтъ о томъ, и по совѣтѣ, на томъ положилъ, иже по нуждѣ за ихъ початкомъ,[12] повелѣлъ бронитися и стрѣляти съ дѣлъ[13] на ихъ градъ и мѣсто: бо уже было и великихъ дѣлъ съ Москвы припровожено тамо немало, и къ тому послалъ Стратилатовъ и повелѣлъ двѣма пя-
- ↑ Въ Э. градъ.
- ↑ Въ П. и Б. на полѣ: Ругодевъ.
- ↑ Въ Б. Русіи.
- ↑ Въ Р. подобая.
- ↑ Въ Р. и Э. его; въ В. своимъ.
- ↑ Въ П. на полѣ: ругаяся пишетъ.
- ↑ Въ Б. удержавшися.
- ↑ Въ Э. пушекъ.
- ↑ Въ Э. народу.
- ↑ Въ Э. понеже; въ Р. собѣ съ престанія.
- ↑ Изъ Р. въ П. и Б. знаки; въ Э. вѣденье.
- ↑ Въ Э. начинаніемъ.
- ↑ Въ Э. пушекъ.
