ихъ воевати. И воевахомъ ее[1] мѣсядъ цѣлый, и нигдѣже опрошася намъ битвою; точію со единаго града изошли сопротивъ посылокъ нашихъ, и тамо поражено ихъ.74) И шли есмя ихъ землею, воююще вдоль[2] вяще четыредесять миль, и изыдохомъ въ землю въ Лифляндскую съ великаго мѣста[3] Пскова, и вышли есмы совсѣмъ[4] здраво съ ихъ земли, ажъ на Иваньградъ, вколо[5] ихъ землею ходяще; и изнесоша[6] съ собою множество различныхъ корыстей: понеже тамъ земля зѣло была богатая и жители въ ней быша такъ горды зѣло, иже[7] и вѣры Христіанскія отступили и обычаевъ и дѣлъ добрыхъ праотецъ своихъ, но удалилися и ринулися[8] всѣ ко широкому и пространному пути, сирѣчь ко пьянству многому, и невоздержанію, и ко долгому спанію, и лѣнивству, къ неправдамъ и кровопроливанію[9] междоусобному, яко есть обычай, презлыхъ ради догматовъ, таковымъ и дѣламъ послѣдовати. И сихъ ради, мню, и не попустилъ имъ Богъ быти въ покою и въ долготу дней владѣти отчизнами[10] своими.
Потомъ же они[11] упросили быти премирья на полроку,[12] хотяще себѣ взяти о той предреченной дани на размышленіе; и сами упросивши, не пребыли въ томъ дву мѣсяцей. Сице разрушили тое премирье: яко всѣмъ есть вѣдомо, иже
- ↑ Въ Б. же.
- ↑ Въ Р. въ долъ; въ Э. въ длину.
- ↑ Въ Э. града.
- ↑ Въ Э. со всѣми.
- ↑ Въ Э. вокругъ.
- ↑ Въ Р. и Э. изнесохомъ.
- ↑ Въ Э. яко.
- ↑ Въ Э. отвергошася, но удалишася и ринушася.
- ↑ Въ Р. кровопроливанію; Въ Э. кровопивству.
- ↑ Въ Р. воинами; въ Э. отчизнами; въ Э. отчинами.
- ↑ Въ Б. аки.
- ↑ Въ Э. на полгода.