градъ, и воинство Христіанское сведетъ оттуду; а рада[1] то была богатыхъ[2] и лѣнивыхъ Мниховъ и мірскихъ, яко глаголютъ пословицу: добрѣ бываетъ, кому родити, тому и кормити младенца, или попеченіе о немъ имѣти, сирѣчь: кто тружался зѣло, и болѣзновать[3] о семъ тому достоило и совѣтовати о таковыхъ.
А потомъ взяла[4] была Черемиса Луговая[5] Царя собѣ съ Нагайскія Орды, бронящеся Христіаномъ и воююще: бо тотъ Черемисскій языкъ[6] не малъ есть и зѣло кровопійственъ, и обирается[7] ихъ, глаголютъ, вяще двадесять[8] тысящей войска; потомъ же егда разсмотривши,[9] иже мало имъ прибыли съ того Царя, убиша его и сущихъ съ нимъ Татаръ, аки три ста, и главу ему отсѣкоша и на высокое древо взоткнули и глаголали: „Мы было взяли тебя того ради на Царство, съ дворомъ твоимъ, да обороняеши насъ; а ты и сущіе съ тобою не сотворилъ намъ помощи столько, сколько воловъ и коровъ нашихъ поѣлъ: а нынѣ глава твоя да царствуетъ на высокомъ колѣ.“ Потомъ, избравше собѣ своихъ Атамановъ, біющесь и воююще съ нами крѣпцѣ, аки два лѣта, и паки потомъ ово примиряхуся, ово паки брань начинаху. Но иныя оставя въ тѣ лѣта бывшія, къ краткости исторейки тое зряще, се воспомянемъ.
