наго человѣка не возможе нигдѣ обрѣсти, и о томъ зѣло тружашеся, тамо и овамо по странамъ ищуще языка; послѣди же, по несчастію,[1] найде дву: единъ же ему вся по ряду исповѣда, муки не претерпѣвъ, яже написали мудрые наши Писари. И первѣе тогда, глаголютъ, во велицемъ ужасѣ былъ и въ недоумѣніи со всѣми своими, и абіе возвратился шляхомъ[2] своимъ къ Ордѣ. И по дву дняхъ встрѣтился съ войскомъ напшмъ, и то не со всѣмъ: понеже еще не пришла была оная предреченная частъ войска, яже на кошъ была послана; и снидошася оба войска о полудни въ среду,69) и битва пребывала ажъ до самыя нощи. И такъ было перваго дня посчастилъ[3] Богъ надъ Бусурманы, иже множество побито ихъ; во Христіанскомъ же войску зѣло мало шкоды[4] быша. И по излишнему смѣльству, вразишася нѣкоторые наши въ полки Бусурманскіе, и убитъ единъ зацнаго[5] отца сынъ, и два Шляхтича изымано живы, и отъ Татаръ приведено ихъ предъ Царя. Царь же нача со прещеніемъ и муками пытати[6] ихъ; единъ же повѣдалъ ему то, яко достояло[7] храброму воину и благородному; а другій, безумный, устрашился мукъ, повѣдалъ ему по ряду: „иже, рече, малый людъ, и того вяще четвертая часть на кошъ твой послано.“
Царь же Татарскій аще и хотяше[8] нощію тою отойти и бѣжати въ Орду: зѣло бо бояшеся сзади
