сраженіяхъ съ Бусурманы; да краткости ради оставляется: бо тогда больше десяти тысящей воинства Бусурманскаго погубихомъ[1] со Атаманы ихъ; тогда же славныхъ кровопивцевъ Христіанскихъ, Янчюру[2] Измаильтянина и Алеку Черемисина, и другихъ Князей ихъ немало погубихомъ. И возвратихомся, за Божіею благодатію, во отечество со пресвѣтлою побѣдою и со множайшими корыстьми; и оттуды начала усмирятися и покорятися Казанская земля Цареви нашему.
И потомъ, того же лѣта, пріиде вѣсть ко Царю нажему, иже Царь Перекопскій,64) со всѣми силами своими препроводясь чрезъ проливы[3] морскіе, пошелъ воевати землю Черкасовъ Пятигорскихъ; и сего ради послалъ Царь нашъ войска на Перекопь аки тринадесять тысящей,Іюня 1555. надъ ними же поставилъ Гетманомъ Іоанна Шереметева и другихъ съ нимъ Стратилатовъ. Егда же наши пойдоша чрезъ поле великое, къ Перекопи дорогою лежащею, глаголемою на Изюмъ Курганъ65), Царемъ же Бусурманскимъ яко есть обычай издавна инуды лукъ потянуть, а инуды стрѣлять, сирѣчь на иную страну славу пустятъ, аки бы хотящи воевати, а инуды пойдутъ, и возвративши войска отъ Черкасскія земли, поиде на Русь дорогою, глаголемою наВеликій Перевозъ,66) отъ тое дороги, яже лежитъ на Изюмъ Курганъ, аки день ѣзду[4] конемъ, и не вѣдяше о Христіанскомъ войску. Іоаннъ же, яко мужъ разумный, имяше стражу со обоихъ боковъ зѣло прилежную и подъ-
