И по шестомъ лѣтѣ собра войска не мало Царь нашъ, вяще, нежели тридесять тысящей, и поставилъ надъ ними Воеводъ трехъ: Іоанна Шереметева, мужа зѣло мудраго и острозрительнаго и со младости своея въ богатырскихъ вещахъ искуснаго, и предреченнаго Князя Симеона Микулинскаго, и меня; и съ нами немало Стратилатовъ, свѣтлыхъ, и храбрыхъ и великородныхъ мужей. Мы же пришедше въ Казань и, опочинувшу[1] мало воинству, поидохомъ въ предѣлы оные далеко, идѣже Князіе Казанскіе съ воинствы Бусурманскими и другими поганскими ополчались, и было ихъ во ополченію вяще, нежели пятьнадесять тысящей, и поставляху битвы съ нами и со предними полки нашими; сражашася мало не двадесять[2] кратъ, памятамися: бо имъ удобно бываше, яко знаемымъ во своей ихъ землѣ, пачеже съ лѣсовъ[3] прихождаху, сопротивляющижеся намъ крѣпцѣ: и вездѣ, за благодатію Божіею, поражаеми были отъ Христіанъ. И къ тому погодно время Богъ далъ намъ на нихъ: понеже зѣло въ тую зиму снѣги были великіе безъ сереновъ,[4] и того ради мало что ихъ осталось: понеже хождаху за ними мѣсяцъ цѣлый, а предніе полки наши гоняху за ними ажъ за Уржумъ и Мешь рѣку за лѣсы великіе,63) и оттуду ажъ до Башкирска языка, иже по Камѣ рѣкѣ вверхъ ко Сибири протязается; и что ихъ было осталося, тѣ покоришася намъ. И воистинну: было, что писати по ряду о оныхъ
