и возвратился тщима[1] руками во мнозѣй скорби до Москвы.
Къ тому и то достоитъ вкратцѣ воспомянути, перваго ради презрѣнія совѣта добраго, яже еще въ Казани будуще, совѣтовали ему Сигклитове не исходити оттуды, дондеже до конца искоренитъ отъ земли оныя Бусурманскихъ властелей, яко прежде написахомъ, — чтожъ, смиряюще его гордостъ, попущаетъ Богъ? Паки ополнаются противъ его оставшіе Князи Казанскіе, вкупѣ со предреченными прочими языки поганскими, и воюютъ зѣльнѣ, не токмо на градъ Казанскій приходяще съ великихъ лѣсовъ, но и на землю Муромскую и Новаграда Нижняго наѣзжаютъ и плѣнятъ. Того было безпрестаннѣ, аки шесть лѣтъ послѣ взятія мѣста Казанскаго, иже во оной[2] землѣ грады новопоставленные, нѣкоторыежъ и въ Русской землѣ, во осадѣ были отъ нихъ. И свели тогда битву[3] съ Гетманомъ его, мужемъ нарочитымъ, ему же имя было Борисъ Морозовъ, глаголемый Салтыковъ: и падоша полки Христіанскіе отъ погановъ; и самъ же Гетманъ поиманъ, и держаша его жива, аки два лѣта, и потомъ убиша его, не хотѣша его же а ни на окупъ,[4] а ни на обмѣну[5] своихъ дати. И въ туя шесть лѣтъ битвы многія быша съ ними и воеванія и толикое множеетво въ то время погибе войска Христіанскаго, біющеся и воющеся[6] съ ними безпрестанно, иже вѣрѣ неподобно.
