соплете силлогизмъ[1] сатанинскій. Царь же абіе руку его поцѣловалъ и рече: „О! аще и отецъ былъ бы ми живъ, таковаго глагола полезнаго[2] не повѣдалъ бы ми!“
Ту ми разсмотри прилежно, яко согдасуетъ древній гласъ отечь съ новымъ[3] гласомъ сына! Искони отецъ, прежде бывшій Фосфоросъ,[4] глаголютъ, видѣвъ себя пресвѣтла и сильна и надо многими полками Ангельскими чиноначальникомъ отъ Бога постановленна, и забывъ, иже сотвореніе есть, рече себѣ: „Погублю землю и море и поставлю престолъ мой выше облакъ небесныхъ и буду равенъ Превышнему;“ аки бы реклъ: „и могу сопротивиться ему;“ и абіе денница низпаде восходящая заутра, и низпаде ажъ въ преисподнюю: возгородѣвъ бо и не сохранивъ своего чина, яко писано есть: „и отъ Фосфора[5] Сатана нареченъ“, сирѣчь отступникъ.58) И сынъ гласъ подобенъ провѣщалъ, паче же онъ самъ точію дѣйствовалъ устами престарѣвшимися старца, и рече: „ты лучше всѣхъ, и недостоитъ ти никого имѣти мудраго,“ аки бы реклъ: „понеже еси Богу равенъ.“
О гласъ воистинну діаволій! всякія злости и презорства[6] и забвенія преполонъ! Забылъ ли еси, Епископе! во второмъ Царствѣ реченнаго? Егда совѣтовалъ Давыдъ со Сигклиты своими,
