ской волости у Храма Святаго Николы чюдотворца на погостѣ на Полной. Колоколы же оные и до нынѣ въ Печерскомъ монастырѣ, на извѣщеніе родомъ грядущимъ, поставлены у Церкви Святаго Николы чюдотворца на вратѣхъ; въ то же время взяша и велбуда, и побиша литовскихъ людей немного, пенеже Печерстіи людіе пріидоша восрѣтеніе на рѣчке Павчовкѣ въ посадѣ. Прочіи же Литва и Нѣмцы побѣгоша въ снять ко граду Пскову, — и возвѣстиша Королю о бывшихъ на нихъ побѣжденіихъ, мняще яко и до Пскова за ними гнаху, и иніи прежде бывшая на нихъ досады, отъ Печерскихъ людей, навадиша кралю глаголюще, яко достойно бяше таковый градъ со Мнихи разорити и люди изъ него вывести вонъ; понеже много тщета людемъ отъ нихъ Польскимъ. А въ монастырѣ заключено бѣ въ то время плѣнныхъ Угрянъ и Поляковъ и Нѣмецъ яко до тридесяте и болѣ. Слышавъ же сія вся, Король Стефанъ разъярися на той Печерскій монастырь, — и абіе присылаетъ множество вой, Поляковъ и Нѣмецъ, съ стенобитными сосуды, сиречь съ пушки, ко Обители Печерской Пречистыя Богородицы октоврія въ 29-й день. Они же безбожніи Нѣмцы, воеводы имуще Китлѣра Курланца и Юрья Хранбѣка[1], — и пришедше сташа около Монастыря Печерскаго; и начата бити первіе Нѣмцы изъ своего наряду и съ трехъ пушекъ Ноемврія въ 5-й день. На утріе же онѣ, безбожніи Нѣмцы, вооружившеся крѣпце, пойдоша въ пробитое мѣсто стѣны; хотяху монастырь себѣ воспріяти, — Богомъ зданныя же Пещеры, снабдимый Пречистою Богородицею Домъ и яже въ немъ лежащыхъ отецъ, ни вочто вмѣниша. Монастыря же того священницы и иноцы, и простіи людіе, принесоша Икону старую, Пречистыя Богородицы Успеніе, къ пробитому мѣсту, молебная со слезы простираху; надѣющіижеся на Господа живущія во обители той иноцы, и маліи воя, и вси людіе, паче же возлагающе упованіе на Пречистую Богородицу, вооружившеся сташа, яко гора Сіонъ неподвижимо. Горы бо окрестъ ихъ, Господь же окрестъ людей своихъ выну. И бишася съ ними отъ третіяго часа дни до нощи, и отогнаша ихъ посрамлены; Воеводу же Китлера и иныхъ съ нимъ Нѣмецъ взяша, а Юрья другаго Воеводу и иныхъ съ нимъ Нѣмецъ изъ оружія уязвиша. Слышавъ же Король Аббатуръ, яко побѣждени быша Нѣмцы, абіе присылаетъ иного Воеводу Бурнамиса именемъ, и иныхъ многихъ храбрыхъ вой Угровъ съ нарядомъ же, — запретивъ имъ сице: «аще нерозорите монастыря того и яже въ немъ людей не пресѣцете, неимате возвратитися воздравство ко мнѣ». Оный же воевода съ Югры пришедъ, постави четыре пушки на своемъ мѣстѣ, — а Нѣмцы на прежнемъ мѣстѣ своими тремя пушки, и биша по граду въ два мѣста, — дни два: и егда пробиша стѣну до земли, тогда во-
- ↑ Китлеръ — это Кетлеръ, племянникъ герцога курляндскаго Готгарда; Хранбѣкъ это Юрій (Юргенъ) Фаренсбахъ. Подробности о немъ см. Приб. Сб. III, 212 и 213.
