такожде. Князь воспроси: „Далѣче ли есть воеводы ваша и воинство все?“ Вѣстницыжъ рѣша, яко пять поприщь. Князь же Великіи просдезився, рѣче: „Боже хвальный и Боже чудный, и милостивый, яко отъ нечаемыхъ даеши помощь!“ И радъ бысть вельми Князь Великіи, и посла многихъ витязей во стрѣтеніе имъ противъ Новогородцевъ, и сташа Новогородцы близь Коломни урядно; и посла многихъ витязей во стрѣтеніе имъ, и пришедъ, сташа близь Коломны на поле. Чудно бяше воинство ихъ и чиномъ уряжено, коими и портищемъ и доспѣхомъ, яко много бысть злата и бисера на портищехъ и на сѣдлахъ. И повелѣ Князь Великіи Дмитріи Ивановичь воеводамъ ихъ витяземъ большимъ ити пред себя. Воеводыж Новгородские приидохъ, поклонишеся Государю Великому Князю Дмитрию любезно. Князь же Великіи Дмитрій Ивановичь Московскій прія ихъ и зва ихъ к себѣ ясти хлѣба и многихъ отъ воинства ихъ повелѣ звати; и сотвори Князь великіи пиръ честенъ и радостенъ и посла вѣстники о семъ ко святому Митрополиту Кипріану и Великой Княгини Евдокѣе. Онижъ сдышавше, радостію прославиша Бога. И раздѣли по полкамъ и учини коемуждо полку воеводу и заповѣда всему воинству неприкасатися ничему.
Прииде ж вѣсть на Москву в четвертый день после бою на память Преподобныя Матери Ѳеодоры Александрѣйские к Великой Княгине Евдокѣе и к Преосвященному Митрополиту Киприяну, и к воинскимъ женамъ, сказаша им: которые побиты и которые живи, а поганый же Мамай побежден бысть. Слышавъ же то Князь Великій Олгердъ Литовскій, яко Великій Князь Димитрей Ивановичь победи и одоле безбожнаго Царя Мамая и возвратися с студомъ во свояси вспять. Безбожный же Мамай не токмо Москвы улучилъ, но и своихъ Агарянъ лишенъ. И посемъ рече Князь Великій Дмитрей Ивановичь: „Гди Боже нашъ, помилуй насъ грѣшныхъ, яко не предалъ еси насъ в руце поганымъ Агаряномъ, а вамъ, братие, Князи и боля-
