реженія[1]. Оудивишася же Литовскіе князи, ркучи: „Ни есть быти достойну при насъ, ни преже насъ, ни по насъ таковому воинству[2]: много бо множество есть, якоже Гедеоновыхъ соузницъ, но и боле того есть: Господь Богъ силою своею вооружи ихъ.“ Князь же Великиі Димитрей Ивановичь, видѣвъ полки своя достойно оуряжены́, обвеселися сердцемъ, и сшедъ с коня, паде на колѣно[3] прямо великому пол’ку и черному знаменію, на немже бѣ воображенъ образъ Владыки нашего Іисуса Христа, и нача из глубины сердца звати велегласно: „О владыко Господи Вседержителю, виждь смотреливымъ окомъ на люди своя, иже твоею рукою сотворени суть[4] и вънуши, Господи, гласъ молитвы моея! обрати, Господи, лице свое на нечестивыхъ съ яростію, иже злая творятъ рабомъ твоимъ![5].“ I ина емоу много глаголющу и молящеся.
- ↑ Ерм. и К. Оболен. приб.: „вси бо единъ за единого хотятъ умрети и вси единъ гласъ начаша глаголати: Господи Боже, съ высоты призри на ны, и даруй православному Князю нашему, яко Константину, побѣду и положи подъ нозѣ ему враги, яко же иногда Аммалика кроткому Давиду.“
- ↑ Ерм. приб: „подобна суть Македонскому войску“
- ↑ Ерм. приб: „на травѣ зеленѣ.“ К. Оболен. на ковыле травѣ зелены.
- ↑ Ерм. иже твоею кровію искуплены суть работы Аристора (?). К. Оболен. прибавл: „избави работы дияволя.“
- ↑ Ерм. и К. Оболен. приб: „Молю бо ся образу твоему святому и пречистой св. твоей Матери и твердому
