жи въ сердце его; нача посылати посла къ Мамаю царю со многою честію и дарьми; ярлыкъ же свой писа к нему сице: „Восточному[1] царю Мамаю твой посаже́нный присяжникъ[2] Олгъ Резанскій, слышахъ тя господина моего милостива, хощеши итъти на Русь на своего посаже́нника и служебника, на Князя Димитрея Московскаго, огрозитися ему хощеши; нынѣ же, господине пріити[3] время есть, злата и богатства наполнися земля его. И тако бо вѣмъ, всевѣтный[4] царю, яко кротокъ есть человѣкъ Дмитреи; егда же услышитъ имя[5] ярости твоея: то отбежитъ отъ тебе в дальныи ото́къ, гдѣ есть мѣсто пусто и неключимо[6]; злато же и богатество[7] все будетъ во твоихъ рукахъ. Мѣне же раба, твоего, царю, держава твоя пощадитъ; азъ бо ти Русь велми оустрашаю и Князя Димитрея.[8] Но и не то одно, царю , егда о своей обидѣ и твоимъ имянемъ погрожу ему; а онъ о томъ не радитъ, еще де градъ мой Коломну взялъ за себя, да о томъ о всемъ молю тя, царю, не
- ↑ Ерм. приб.: вольному. К. Оболен. великому, вольному.
- ↑ Ерм. твой посажникъ.
- ↑ Ерм. приспѣ.
- ↑ Ник. л. IV, 133. и Снг. всесвѣтлый.
- ↑ Ерм. и
- ↑ Ерм. въ дальняя свои страны Кн. Вел. Димитрій, любо въ Новгородъ великій, любо на Двину. — Отокъ — островъ.
- ↑ Ерм. приб.: Московскаго.
- ↑ Ерм. приб.: Ивановича, и еще, царю, молю тя оба есмы твои рабы и я велику обиду прияхъ отъ тогожъ Димитрія Вел. Кн.