А по немъ сѣде на великомъ княженіи Видовъ сынъ Пройденъ, и тотъ прибавилъ Ятвягъ.
А потомъ сѣде на великомъ княженіи Пройденевъ сынъ Витемъ, и тотъ прибавилъ земли Литовскія много и до Бугу.
А Витеневъ сынъ Едиманъ Князь Великій.
А Едимановы дѣти:
1. Мондовидъ, бездѣтенъ.
2. Наримантъ, послѣ отца своего Едимана сѣлъ на великомъ княженіи на Литовскомъ, и бысть ему брань съ Татары, и впаде въ руцѣ Татаромъ, въ тожъ время бывшу Великому Князю Ивану Даниловичу въ ордѣ, и Нариманта выкупилъ, и отпустилъ его на великое княженіе. Наримантъ же, не дошедъ въ своея вотчины, крестися по своему обѣщанію, и нареченъ бысть во святомъ крещеніи Глѣбъ; и тогда братья его и вся земля Литовская не даша ему великаго княженія, а посадиша на великое княженіе Олгерда, а Нариманта взяли въ Великій Новгородъ на пригороды.
3. Сынъ Едимантовъ Евнутей.
4. Олгердъ.
5. Кестутей.
6. Корибутъ.
7. Любортъ.
А у Нариманта былъ сынъ Князь Патрекей.
А у Князя Патрекея были 3 сына.
Князь Ѳедоръ; отъ него пошли Хованскіе.
