Въ лѣто 6637 (1129) пріиде на Полоцкіе Князи на Рогволодовичи Князь Великій Мстиславъ Володимировичь Мономашь и Полтескъ взялъ, а Рогволодовичи забѣжали въ Царьградъ. Литва въ ту пору дань даяше Княземъ Полоцкимъ, а владома своими Гетманы, а городы Литовскіе тогда, иже суть нынѣ за Кролемъ, обладаны Князьями Кіевскими, иные Черниговскими, иные Смоленскими, иные Полоцкими, и оттолѣ Вильня приложишася дань даяти Королю Угорскому за страхованіе Великаго Князя Мстислава Володимировича; и Вильняне взяша се6ѣ изъ Царяграда Князя Полоцку Ростислава Рогволодовича дѣтей Давила Князя, да брата его Молковца Князя; и той на Вильнѣ первой Князь Давилъ, братъ Молковцевъ большой.
А дѣти ево Видъ, егожъ люди волкомъ звали; да Ердень Князь.
А Ерденевъ сынъ крестился, былъ Владыка во Твери, которой на Петра Чудотворца волненіе учинилъ; звали его Андреемъ; писалъ на Чудотворца лживыя словеса.
А у Молковца Князя сынъ Миндовгъ.
А у Миндовга Князя дѣти: Вышлегъ, да Домантъ. Тогожъ Вышлега избра Господь поборника по правой вѣрѣ, и иде въ гору Синайскую отъ отца своего, и позна вѣру Христіанскую, и крестися во имя Отца, и Сына,
