71571649
88. А будетъ кто татя съ поличнымъ убьетъ въ дому своемъ: и того убитого тотъ часъ объявити окольнымъ людемъ, и объявя, вести къ запискѣ въ приказъ. А будетъ кто за татемъ погонится съ сторонними людьми, и на дорогѣ, или на полѣ, или въ лѣсу тотъ тать изымати себя не дастъ, и учнетъ дратися, и того татя на погонѣ кто убьетъ до смерти, или ранитъ: и того убитаго, или раненого татя съ поличнымъ, что онъ покралъ, по тому же привести въ приказъ съ погонщики вмѣстѣ. А будетъ кто татя изымавъ, и не водя въ приказъ, учнетъ пытать у себя въ дому: и на немъ татю доправить безчестье и увѣчье, а въ чемъ его пыталъ, и ему татьбы своей на томъ татѣ искати судомъ, а изъ приказу того татя пытать не велѣть. А будетъ поличное въ дому чьемъ выняли, а жена и дѣти про тѣ краденые животы вѣдали: и на нихъ имати выть, по указу. А будетъ бѣдны и заплатить нечѣмъ: и ихъ отдати истцу головою, покамѣста отработаются, а на годъ имъ зачитати за работу, женскому полу по полутретья рубли.
89. А будетъ кто у кого покрадетъ на полѣ хлѣбъ жатой, или сѣно, или украдомъ учнетъ хлѣбъ жати, и съ поля тотъ хлѣбъ къ себѣ повезетъ, и на дорогѣ его съ тѣмъ краденымъ хлѣбомъ, или съ сѣномъ изымавъ, приведутъ его въ приказъ, и сыщется про то допряма, что хлѣбъ, или сѣно кралъ: и того татя за ту татьбу бити кнутомъ, а краденое велѣти, на немъ доправя, отдати истцу. А будетъ тѣ тати изымати себя не дадутъ, и кого изъ тѣхъ татей убьютъ, или ранятъ: и того убитаго, или раненаго явити окольнымъ людямъ вскорѣ, и привести въ приказъ и записати, и тѣмъ отъ того убойства свободится. А будетъ тати того, чей хлѣбъ, или человѣка его, или крестьянина, какъ ихъ имали, у хлѣба или у сѣна убьютъ, или ранятъ, а сыщется про то допряма: и тѣхъ татей за то казнити смертію; а что покралъ, и то взяти изъ животовъ ихъ.
90. А будетъ кто у кого татинымъ обычаемъ выловитъ изъ пруда, или изъ саду рыбу, и того татя изымаютъ съ поличнымъ, а сыщется про то въ правду, что онъ покралъ въ первые: и такова бити батоги; а будетъ вдругіе тотъ же съ поличнымъ изыманъ будетъ, и такова за такую вину бити кнутомъ; а будетъ въ третьіе тотъ же изыманъ будетъ съ поличнымъ, а поличное и гривны не стоитъ, и такова казнити, отрѣзати ухо.
91. А будетъ у кого въ пожарное, или въ иное въ которое время что ни буди пропадетъ, и послѣ того тѣхъ своихъ пропалыхъ животовъ у кого что опознаетъ, и поимается: и ему того искати на томъ, у кого поимается, судомъ, что татиного дѣла. А будетъ тотъ, у кого то поличное вынято, скажетъ, что онъ взялъ то поличное на пожарѣ, или изъ воды вынялъ, а не грабежемъ, и въ приказѣ являлъ и записалъ, и сыщется про то допряма, что то поличное не грабежемъ взято: и тому, кто за то поличное поимается, велѣти у него то поличное выкупити, а выкупу дати противъ торговой цѣны въ полы.
92. А которые люди въ истцовыхъ искѣхъ сидятъ въ тюрьмѣ, а изъ тюрьмы на нихъ истцовы иски правятъ, а истцовъ у правежу нѣтъ, а сидятъ они въ тюрьмѣ лѣтъ пять и больши; и тѣхъ людей дать на статныя поруки съ записью въ томъ, какъ ихъ спросятъ, и порутчикомъ ихъ поставить, а истцовыхъ исковъ на нихъ безъ челобитчиковъ не править.
93. А на которыхъ людей языки учнутъ говорить съ первые и съ другіе пытки, а съ третьіе пытки тѣхъ языковъ доведется казнити, и тѣ языки, идучи къ казни, учнутъ съ
88. А будет кто татя с поличным убьет в дому своем: и того убитого тот час объявити окольным людем, и объявя, вести к записке в приказ. А будет кто за татем погонится с сторонними людьми, и на дороге, или на поле, или в лесу тот тать изымати себя не даст, и учнет дратися, и того татя на погоне кто убьет до смерти, или ранит: и того убитого, или раненого татя с поличным, что он покрал, по тому же привести в приказ с погонщики вместе. А будет кто татя изымав, и не водя в приказ, учнет пытать у себя в дому: и на нем татю доправить бесчестье и увечье, а в чем его пытал, и ему татьбы своей на том тате искати судом, а из приказу того татя пытать не велеть. А будет поличное в дому чьем выняли, а жена и дети про те краденые животы ведали: и на них имати выть, по указу. А будет бедны и заплатить нечем: и их отдати истцу головою, покаместа отработаются, а на год им зачитати за работу, женскому полу по полутретья рубли.
89. А будет кто у кого покрадет на поле хлеб жатой, или сено, или украдом учнет хлеб жати, и с поля тот хлеб к себе повезет, и на дороге его с тем краденым хлебом, или с сеном изымав, приведут его в приказ, и сыщется про то допряма, что хлеб, или сено крал: и того татя за ту татьбу бити кнутом, а краденое велети, на нем доправя, отдати истцу. А будет те тати изымати себя не дадут, и кого из тех татей убьют, или ранят: и того убитого, или раненого явити окольным людям вскоре, и привести в приказ и записати, и тем от того убойства свободится. А будет тати того, чей хлеб, или человека его, или крестьянина, как их имали, у хлеба или у сена убьют, или ранят, а сыщется про то допряма: и тех татей за то казнити смертию; а что покрал, и то взяти из животов их.
90. А будет кто у кого татиным обычаем выловит из пруда, или из саду рыбу, и того татя изымают с поличным, а сыщется про то в правду, что он покрал в первые: и такова бити батоги; а будет вдругие тот же с поличным изыман будет, и такова за такую вину бити кнутом; а будет в третьие тот же изыман будет с поличным, а поличное и гривны не стоит, и такова казнити, отрезати ухо.
91. А будет у кого в пожарное, или в иное в которое время что ни буди пропадет, и после того тех своих пропалых животов у кого что опознает, и поимается: и ему того искати на том, у кого поимается, судом, что татиного дела. А будет тот, у кого то поличное вынято, скажет, что он взял то поличное на пожаре, или из воды вынял, а не грабежем, и в приказе являл и записал, и сыщется про то допряма, что то поличное не грабежем взято: и тому, кто за то поличное поимается, велети у него то поличное выкупити, а выкупу дати против торговой цены в полы.
92. А которые люди в истцовых искех сидят в тюрьме, а из тюрьмы на них истцовы иски правят, а истцов у правежу нет, а сидят они в тюрьме лет пять и больши; и тех людей дать на статные поруки с записью в том, как их спросят, и порутчиком их поставить, а истцовых исков на них без челобитчиков не править.
93. А на которых людей языки учнут говорить с первые и с другие пытки, а с третьие пытки тех языков доведется казнити, и те языки, идучи к казни, учнут с
