penitus habeantur. Facta etiam dicti Simonis et complicium, suorum praejudicialia ct damnosa, et contractus super rebus immobilibus ab eis facti dum essent in suo potentatu, adnihilentur et pro nullis habeantur.
8. Rogantes humiliter tam dominum legatum quam dominum regem ut ipse dominus legatus sub districtione ecclesiastica prorsus inhibeat, ne Simon comes Leycestriae a quocunque pro sancto vel justo reputetur, cum in excommunicatione sit defunctus, sicut sancta tenet ecclesia; et mirabilia de eo vana ct fatua ab aliquibus relata nullis unquam labiis proferantur; et dominus rex haec eadem sub poena corporali velit districte inhibeie.
9. Supplicamus reverenter et humiliter venerabili patri nostro domino 0. Sancti Adriani diacone cardinali et apostolicae sedis legato, ut cum tam domino regi expedire cognoverit quam aliis hominibus, majoribus et minoribus de regno, qui cartas juratas minime observarunt, ad quas observandas omnes per excommunicationis sententiam jam latam, inde non observantes, tenebantur, beneficium absolutionis impendat.
10. Rogamus etiam et suademus quod nullus, cujuscunque conditionis existat, blada aut victualia quaelibet vel alia quaecunque bona, sub nomine mutui vel provisione futurae solutionis, capiat sine licentia eorum quorum res seu bona sunt; salvis regni consuetudinibus approbatis.
11. De Londoniis laudamus ct praefatum dominum regem hortamur et rogamus, ut ipse provideat per consilium suum de statu reformando civitatis, quoad terras, redditus, dominium et libertates, et hujusmodi provisio cito fiat.
12. Super statu et negotio exhaeredatorum, inter cetera quae ordinavimus et statuimus, volentes secundum Deum et aequitatis tramitem incedere, ita duximus providendum, de assensu venerabilis patris 0. Sancti Adriani diaconi cardinalis et apostolicae sedis legati ct nobilis Henrici de Alemannia similiter habentium potestatem, quod non fiat exhaeredatio sed redemptio, videlicet, quod incipientes guerram et perseverantes usque nunc; item violenter et malitiose detinentes Norhampton contra regem; item expugnantes et debellantes regem apud Lewes; item capti apud Kenilworth qui venerunt de praedatione Wyntoniae, vel alibi fuerint contra regem, quibus rex non remisit; item bellantes apud Evesham contra regem; item qui fuerunt apud Cestrefeud contra regem in bello; item qui gratis et voluntarie et non coacti miserunt
